XƏBƏR LENTİ

03 İyun 2020
02 İyun 2020

Digər Xəbərlər

18 Fevral 2019 - 16:27

Anar:"Mən Rüstəm İbrahimbəyovun sağlığına tost demişəm"

“Rüstəm İbrahimbəyov illərdir ki, mənim dostumdur, görkəmli yazıçıdır. Yubileyini qeyd edib, məni də dəvət edib, getmişəm, təbrik etmişəm, sağlığına tost demişəm”.

Bunu jurnalistlərə Azərbaycan Yazıçılar Birliyinin sədri sədri Anar Rzayev dünən Bakıda R.İbrahimbəyovun şərəfinə təşkil olunan məclislə bağlı suala cavab verərkən deyib.

Anar qeyd edib ki, İbrahimbəyov sözügedən tədbirə onu şəxsən dəvət edib: “Bakıya gəlmişdi, mənə zəng etdi ki, yubileyimi qeyd edəcəm, getdim. Bura necə gəlib, başqa hansı işlərlə bağlı gəlib, mən bilmirəm. Orda başqa şəxslər də iştirak edirdi”. R.İbrahimbəyovun dünənki yubileydə siyasətdən getdiyini açıqlaması ilə bağlı yayılan iddialara isə Anar belə cavab verib: “Mən orda olanda bu barədə söhbət olmayıb. Ola bilər məndən qabaq bu barədə danışıb, mən bilmirəm. Orda siyasətlə bağlı söhbət olmayıb, sadəcə sənətdən danışılıb. Bunlar sizi niyə maraqlandırır? Bu barədə onun özündən soruşun. Bura necə gəldiyini, nə üçün gəldiyini mən hardan bilim?..”.