İran parlamentinin spikeri Əli Laricani bəyan edib ki, ABŞ-ın təzyiqlərinə baxmayaraq, Tehran dünya gücləri ilə əməkdaşlıq şəraitində uranın zənginləşdirilməsi üzrə nüvə proqramını davam etdirəcək.

Azərtac “Reuters” agentliyinə istinadla xəbər verir ki, Birləşmiş Ştatlar cümə günü aşağı səviyyədə zənginləşdirilmiş uran istehsalı üzrə İranın proqramını dayandırmaq üçün hərəkətə keçib. Bu proqram yalnız atom elektrik stansiyalarında istifadə üçün nəzərdə tutulub. Rəsmi Vaşinqton isə bunu Tehranın ballistik raketlər üzrə strategiyası ilə əlaqələndirib.

Əli Laricani İranın ISNA agentliyinə müsahibəsində deyib: “Bu proqramla İran uranı zənginləşdirərək ağır su əldə etmək istəyir və bu, imzalanmış sazişə tamamilə uyğundur. Bu səbəbdən biz uranı zənginləşdirməyə davam edəcəyik”.