XƏBƏR LENTİ

25 Sentyabr 2020
24 Sentyabr 2020

Digər Xəbərlər

03 İyun 2019 - 11:34

Nazir:"Azərbaycanda innovativ transfer mərkəzləri yaradılacaq"

“Azərbaycanda bir sıra startaplar artıq beynəlxalq bazarlara çıxış əldə ediblər”.

Bunu Bakıda keçirilən “Made in Azerbaijan: İnnovasiyalar və Texnologiyalar Forumu”nda çıxış edən Nəqliyyat, Rabitə və Yüksək Texnologiyalar naziri Ramin Quluzadə deyib.

R.Quluzadənin sözlərinə görə, Azərbaycanda innovativ transfer mərkəzləri yaradılacaq:

“Mingəçevir Texnologiyalar parkının rezidenti “Hightech İnvest” şirkəti artıq “Acer” komputerlərinin istehsalına başlayıb. Ölkə başçısının Azərbaycanda innovativ inkişaf sahəsində effektivliyin artırılması və koordinasiyalı işin təmin edilməsi haqqında sərəncamı proseslərin daha da sürətlənməsinə təkan verdi. Sərəncamda bir sıra mühüm tapşırıqlar verilib. Biz bu vəzifələrin icrasını təmin etmək üçün fəaliyyətimizi bir neçə istiqamətdə aparırıq. Birincisi yerli sahibkarlıq subyektlərinə müasir texnologiyaların və texnoloji həllərin əldə olunmasına köməklik göstərməkdir. Bu məqsədlə texnoloji transfer məkrəzləri yaradılacaq və sahibkarlara müvafiq xidmətlər təqdim olunacaq. İkinci istiqamət müvafiq dəstək mexanizmlərinin tətbiq edilməsidir. Burada innovativ layihələrə, o cümlədən startaplara güzəştli kredit verilməsi nəzərdə tutulub. Artıq nazirlik bu istiqamətdə bir neçə ildir fəaliyyət göstərir. Bu müddətdə startaplara 117 qrant, 16 sahibkarlıq subyektinə güzəştli kredit verilib. Dəstəyimiz bundan sonra da davam edəcək. Üçüncü istiqamət isə innovativ sahibkarlığın təbliğidir. Artıq bu istiqamətdə də bir sıra addımlar atılıb. Bundan əlavə biz “I2B-İdeyadan biznesə” layihəsi çərçivəsində sahibkarların biznesə dəstək verməsini istəyirik”. /Report