XƏBƏR LENTİ

26 Oktyabr 2020
25 Oktyabr 2020
24 Oktyabr 2020

Digər Xəbərlər

05 İyun 2019 - 00:00

Avropa çempionatı:Azərbaycan güləşçisi erməni rəqibinə qalib gəldi

Ispaniyanın Pontevedra şəhərində gənc güləşçilər arasında Avropa çempionatı keçirilir.

Yarışda iştirak edən Azərbaycan millisi ilk medalını qazanıb.

Belə ki, yunan-Roma güləşçimiz Zaur Əliyev (55 kq) Avropa çempionatına iddialı start verib. Təmsilçimiz ilk görüşdə Bolqarıstan idmançısına ilk hissə bitmədən qalib gəlib. Əliyev növbəti görüşü də vaxtından əvvəl qələbəylə başa vurub.

Zaur 1/4 finalda Danimarka təmsilçisinə gücünü göstərərək adını yarımfinala yazdırıb. Finalın bir addımlığında Gürcüstan təmsilçisiylə qarşılaşma gərgin mübarizə şəraitində keçib. Həmyerlimiz 3:2 önə keçsə də, son dəqiqədə müdafiədə buraxdığı səhv ucbatından görüşdən məğlub ayrılıb.

Əliyev bürünc medal uğrunda Ermənistan güləşçisi Gevorq Sukiasyanla güləşib. Prinsipial qarşılaşmada Zaur qələbə qazanaraq, Avropa üçüncüsü olub və qitə birinciliyində ilk medalımızı əldə edib/APA.