ABŞ lideri Donald Tramp ölkəsinin Hindistan və Pakistan arasında Kəşmir məsələsində vasitəçilik etməyə hazır olduğunu söyləyib.

Bu barədə ABŞ prezidenti Donald Tramp Pakistanın Baş naziri İmran Xan ilə Ağ Evdə görüşü zamanı jurnalistlərə açıqlamasında deyib.

“Mən iki həftə bundan qabaq Hindistanın Baş naziri Narendra Modi ilə telefon danışığım oldu və biz bu məsələni müzakirə etdik. O, mənə sual verdi ki, siz bu məsələdə vasitəçi kimi çıxış etmək istərdinizmi? Mən də cavabında “əlbəttə istərdim” dedim” , – deyə Tramp bildirib.

Qeyd edək ki, Pakistanın Baş naziri ABŞ-a üç günlük rəsmi səfərə gəlib. Səfər zamanı o, ABŞ-ın yüksək səviyyəli diplomatlarla görüşlər keçirəcək və regiondakı vəziyyətlə, eləcə də terrorizmə qarşı mübarizə məsələlərini müzakirə etməyi planlaşdırır/Report.