XƏBƏR LENTİ

22 Oktyabr 2020
21 Oktyabr 2020

Digər Xəbərlər

24 Yanvar 2016 - 10:30

“Nöqsanı olan icra başçıları haqda ciddi addımlar atılacaq” – [color=red]Deputat

icra-b.jpg

“Fəaliyyətində nöqsan olan icra başçıları işdən çıxarılmalıdır. Hesab edirəm ki, prezident bununla bağlı ciddi addımlar atacaq”. 

Bunu azvision.az-a açıqlamasında millət vəkili Vahid Əhmədov deyib.

Deputat Hesablama Palatasının apardığı yoxlamalar nəticəsində bəzi icra hakimiyyətlərində nöqsanların ortaya çıxdığını bildirib:

“Hesablama Palatasının apardığı yoxlamalarda korrupsiya halları aşkarlanır. Onlar arasında icra hakimiyyətləri də var. Mütəmadi olaraq, palatanın hazırladığı materiallara baxış keçirilir və dövlət tərəfindən qərarlar verilir. Hesab edirəm ki, bu barədə müəyyən inzibati tədbirlərin görülməsinə ehtiyac var. İcra hakimiyyəti orqanında mənimsəmə, korrupsiya faktları varsa, həmin şəxs vəzifədən kənarlaşdırılmalı və məsuliyyətə cəlb olunmalıdır. Bu, dövlət rəhbərinin mövqeyindən asılı olan məsələlərdir”.

Qeyd edək ki, Hesablama Palatasının apardığı yoxlamalar zamanı Səbail, Xaçmaz, Mingəçevir və digər rayonların icra hakimiyyətlərində ciddi nöqsanlar aşkar edilib. 

Məlum olub ki, dövlət tərəfindən ayrılan vəsaitlər düzgün istifadə olunmayıb, büdcə vəsaitlərinin təyinatı dəyişdirilib, əmək haqqının hesablanması zamanı əlavə və artıq ödənişlərə yol verilib.