XƏBƏR LENTİ

01 Noyabr 2020
31 Oktyabr 2020

Digər Xəbərlər

28 Yanvar 2016 - 10:44

“Səhər durub gördük ki, lisenziyamız ləğv olunub” – [color=red]Qapadılan bankdan etiraz

“Azərbaycan Mərkəzi Bankının lisenziyamızı ləğv etməsini heç cür başa düşə bilmirik”.

Strateq.az Fins.az-a istinadən bildirir ki, bunu “Qafqaz İnkişaf Bankı”nın Müşahidə Şurasının sədri, Azərbaycan Banklar Assosiasiyasının keçmiş rəhbəri Eldar İsmayılov deyib.

Onun sözlərinə görə, lisenziyanın alınması barədə qərar bank üçün gözlənilməz olub:

Bizim bank məcmu kapital və digər göstəricilərlə bağlı tələbi artıqlaması ilə yerinə yetirirdi. Cənab prezident deyib ki, bank sektoru sağlamlaşdırılsın. Amma onu bu cür radikal addımlarla, kiçik bankları bağlamaqla etməzlər. Bu, qəbuledilməzdir. Daha liberal yollar var. Bazarda ancaq böyük bankların qalması o demək deyil ki, bank sektoru sağlam olacaq. “Azərbaycan Beynəlxalq Bankı” ölkənin ən böyük bankıdır, nə cür problemlər yaşadığı göz önündədir”.

Eldar İsmayılov deyib ki, AMB lisenziyanı ləğv etməzdən öncə heç konsolidasiyaya getməyi də təklif etməyib:

“Gözlənilmədən çağırıb dedilər ki, lisenziyanı alırıq. Halbuki təklif olsaydı ki, konsolidasiyaya gedin, məmnuniyyətlə bunu edərdik. Birləşməyin kimə ziyanı var ki? Amma bununla bağlı təklif olmadı, birdən-birə səhər durub gördük ki, lisenziyamız ləğv olunub”.

MŞ sədrinin sözlərinə görə, bankın bağlanması barədə qərar ictimaiyyətə açıqlanandan sonra əmanətçilərin axını ilə üzləşiblər:

“165 nəfərin bizdə əmanəti var, təkcə bu gün 17-ni qəbul etmişik. Hamı gəlib pulunu istəyir. Gərginlik var. Bağlanmış digər banklarda da bu cür vəziyyət yaranıb. Bu qədər bankın birdən bağlanması bank sektoruna inamı tamamilə itirəcək. Daha heç kim banklara əmanət qoymayacaq”.

Eldar İsmayılov onu da bildirib ki, bankın lisenziyasının bərpa olunması üçün hələ ki, məhkəməyə müraciət etmək barədə düşünmürlər.