XƏBƏR LENTİ

22 Oktyabr 2020
21 Oktyabr 2020

Digər Xəbərlər

01 Noyabr 2019 - 16:52

Bakıda ictimai nəqliyyatda ödənişlər bank kartları ilə aparıla bilər –Erdem Çakar

Bakının ictimai nəqliyyat sistemində bank kartları vasitəsilə gediş haqqının ödənişlərinin aparılmasına dair həm banklar, həm də “BakıKart”la danışıqlar aparılır.

Bunu “Mastercard” şirkətinin Azərbaycan üzrə meneceri Erdem Çakar deyib.

Onun sözlərinə görə, bank kartlarının nəqliyyatda ödəniş üsulu kimi istifadə edilməsi “Nağdsız Azərbaycan” proqramının ən önəmli təməllərindən biridir.

“Biz çox istəyirik ki, bu, olsun və sözügedən məsələ həm banklar, həm də “BakıKart”la müzakirə olunur. Amma bunun üçün müvafiq baza yaradılmalıdır, banklar tərəfindən isə kartların təmassız funksionalının olması gərəkdir. Eyni zamanda bu kartları qəbul edə biləcək infrastrukturunun da olması vacibdir. Bütün bunlar olduğu təqdirdə biz inanırıq ki, maraqlı tərəflər ödənişləri bank kartları ilə həyata keçirilməsini tətbiq edəcək. Lakin bunun nə zaman baş verəcəyi barədə indi nə isə demək çox çətindir, çünki biz qeyd etdiyim digər qurumlar tərəfindən atılacaq addımlara tabeyik”, – deyə E. Çakar qeyd edib.