XƏBƏR LENTİ

31 May 2020
30 May 2020
29 May 2020

Digər Xəbərlər

12 Fevral 2016 - 09:10

“Qiyamçı müstəntiq” prokurorluğa çağırıldı: [color=red]”Yenidən həbs oluna bilərəm”

Zərdab rayon prokurorluğunun sabiq müstəntiqi Rüfət Səfərov istintaqa çağırılıb.

Musavat.com xəbər verir ki, o, bu barədə Facebook-da yazıb: "Korrupsiyaya Qarşı Mübarizə Baş İdarəsinə dəvət edildim. Ev dustaqlığı yenidən həbs-qətimkan tədbiri ilə əvəzlənə bilər. Bu, məni çəkindirmir”.

Qeyd edək ki, Zərdab rayon prokurorluğunda müstəntiq işləmiş R.Səfərov bir müddət əvvəl "Prokurorluq haqqında” qanunun 34-cü və "Azərbaycan Respublikası Prokurorluğu işçilərinin etik davranış Kodeksi”nin 30 və 31-ci maddələrinin tələblərini kobud surətdə pozaraq prokurorluq orqanlarında prokuror və ya müstəntiq vəzifəsi ilə bir araya sığmayan hərəkətlərə yol verdiyinə görə, prokurorluq orqanlarından xaric edilib. Onun barəsində baş prokuror yanında Korrupsiyaya Qarşı Mübarizə Baş İdarəsində Cinayət Məcəlləsinin 311.3.2-ci maddəsilə (rüşvət alma (passiv rüşvətxorluq) – təkrar törədildikdə) cinayət işi başlanıb.

Binəqədi rayon məhkəməsinin qərarı ilə onun barəsində həbs qətimkan tədbiri seçilmişdi. Sonradan həbs-qətimkan tədbiri dəyişdirildi və Rüfət Səfərov haqqında ev dustaqlığı barədə qərar çıxarıldı.

R.Səfərov Müdafiə Nazirliyinin mətbuat xidmətinin sabiq rəhbəri Eldar Sabiroğlunun oğludur.