XƏBƏR LENTİ

10 Mart 2021

Digər Xəbərlər

23 Dekabr 2019 - 08:32

Bütün seçki məntəqələrində xüsusi oturacaqlar qoyulub –MSK sədri

Bələdiyyə seçkilərində müşahidəçilər üçün hər cür şərait yaradılıb.

Trend-in məlumatına görə, bunu Mərkəzi Seçki Komissiyasının (MSK) sədri Məzahir Pənahov bu gün keçirilən mətbuat konfransında deyib.

M.Pənahov bildirib ki, bütün seçki məntəqələrində xüsusi oturacaqlar qoyulub və onlar vasitəsilə bütün məntəqəni müahidə etmək imkanı var.

MSK sədri bildirib ki, heç bir seçki məntəqəsinə getmədən də veb-kameralar vasitəsilə seçkiləri müşahidə etmək olar: “1000 seçki məntəqəsində veb-kameralar quraşdırılıb. Bu veb-kameralar vasitəsilə dünyanın istənilən yerindən seçkiləri müşahidə etmək mümkündür. Bu təcrübəni ilk dəfə olaraq Azərbaycan tətbiq edib və seçkilərin tam şəffaf və demokratik keçirilməsini təmin edir”.

Qeyd edək ki, bu gün Azərbaycanda bələdiyyə seçkiləri keçirilir.

Mərkəzi Seçki Komissiyasının (MSK) sədri Məzahir Pənahov saat 08:00-dan etibarən seçki məntəqələrinin seçicilərin səs verməsi üçün açıq elan edildiyini bildirib.

Bu il bələdiyyə seçkilərində 1606 bələdiyyə üzrə 15 156 bələdiyyə üzvü seçilməlidir. Ümumilikdə seçkilərdə 41 462 namizəd iştirak edir. Seçkilərdə iştirak edən partiyaların sayı 13-dür. Namizədlərin 3-də 1-i 13 siyasi partiyanın nümayəndələri, 3-də 2-si isə namizədliklərini özləri irəli sürən vətəndaşlardır.

Bələdiyyə seçkilərini 17 beynəlxalq, 52 636 yerli müşahidəçi müçahidə edəcək.

Seçkilərlə əlaqədar olaraq dekabrın 23-ü qeyri-iş günü elan olunub.