XƏBƏR LENTİ

26 Oktyabr 2020

Digər Xəbərlər

02 Mart 2020 - 12:57

Daha bir qurumdan koronavirusla bağlı qərar:qərargah yaradıldı, "Qaynar xətt" açıldı

Koronavirus (Covid-19) xəstəliyinin yarada biləcəyi təhlükənin qarşısının alınması, profilaktik və təxirəsalınmaz tədbirlərin operativliyini təmin etmək məqsədilə Bakı Nəqliyyat Agentliyində qərargah yaradılıb.

Strateq.az xəbər verir ki, bu barədə Agentlik məlumat yayıb.

Bildirilib ki, qurumda (012) 404-79-95 nömrəli “Qaynar xətt” fəaliyyətə başlayıb: “Eyni zamanda, bildiririk ki, ictimai nəqliyyatda kəskin respirator xəstəliklərin yayılmasına qarşı qabaqlayıcı tədbirlər davam edir. Bu çərçivədə, paytaxtın inzibati ərazisində müntəzəm sərnişindaşıma xətlərində fəaliyyət göstərən avtobuslar dezinfeksiya edilir.

Son bir neçə gündə 1500-ə yaxın avtobusda dezinfeksiya işləri aparılıb. Dezinfeksiya tədbirlərinin davamlı olaraq aparılması ilə bağlı daşıyıcılarla görüş keçirilib və müvafiq taşırıqlar verilib. Həmçinin, qeyd edək ki, “Koroğlu” Nəqliyyat Mübadilə Mərkəzində dezinfeksiya tədbirlərinin sayı artırılıb”.