XƏBƏR LENTİ

28 Oktyabr 2020
27 Oktyabr 2020

Digər Xəbərlər

04 Mart 2020 - 13:51

Türkiyə tibbi maska ixracını məhdudlaşdırdı- Süni bahalaşma edən şirkətlər cərimələndi

Türkiyənin Ticarət Nazirliyi tibbi maskaların qiymətlərini süni şəkildə artıran 9 şirkətin hər birini 104 943 lirə (təxminən, 17 205 ABŞ dolları) cərimə edib. 

“Report” bu barədə xarici mətbuata istinadən xəbər verir.

Nazir Ruhsar Pekcan bildirib ki, ümumilikdə 13 şirkətin fəaliyyəti araşdırılır və onlardan 9-da möhtəkirlik halları aşkar olunub.

“Türkiyə maskaya olan tələbatını ödəyə bilir. Məqsədimiz istehsalçıların və ixracatçımızın qarşısını almaq deyil. İlk öncə daxili bazarı təmin etməliyik”, – o deyib.

Bu arada Ticarət Nazirliyinin qəbul etdiyi və bu gündən qüvvəyə minmiş qərara əsasən, tibbi maskaların, qoruyucu iş paltarlarının, kimyəvi maddələrə qarşı istifadə olunan qoruyucu xalatların, qoruyucu eynəklərin ixracı üçün dövlətdən icazə alınmalıdır.