XƏBƏR LENTİ

30 Sentyabr 2020
29 Sentyabr 2020

Digər Xəbərlər

13 Aprel 2020 - 12:16

Karantin dövründə psixoloji dəstək göstərilən şəxslərin sayı açıqlanıb –Təhsil Nazirliyi

146-3 “Qaynar xətt” xidmətinə psixoloji dəstəklə bağlı daxil olan zənglərin statistikası açıqlanıb.

Təhsil Nazirliyindən bildirilib ki, 6-10 aprel 2020-ci il tarixlərində 146-3 “Qaynar xətt” xidmətinə ümumilikdə 250 zəng daxil olub.

Müraciətlərin mövzusu əsasən karantin dövründə yaşlı insanlarda yoluxma riskinin artması ilə əlaqədar təşviş, yeniyetmə və tələbələrin vərdiş etdikləri gündəlik həyat şəraitindən izolyasiyası, məktəb və universitetlərdə dərslərin başlaması ilə bağlı depressiv vəziyyət, kiçik yaşlı məktəblilərdə yığılmış enerjini israf edə bilmədikləri üçün müşahidə olunan aqressiv davranışlar və abituriyentlərin qəbul imtahanlarının olub-olmaması ilə bağlı yaşadığı həyəcanla əlaqəli olub.

Müraciət edən şəxslərə psixoloji dəstək göstərilib, onlara tövsiyələr verilib.