XƏBƏR LENTİ

27 Sentyabr 2020
26 Sentyabr 2020

Digər Xəbərlər

15 Aprel 2020 - 12:36

Karantin qaydalarını pozaraq Kürün sahilində yeyib-içmək təşkil edən 19 nəfər saxlanılıb –FOTO

Zərdab rayonunun Aşağı Seyidlər kəndinin “Seyidlər bağı” adlanan ərazisində, Kür çayının sahilində bir qrup şəxs toplaşaraq yeyib-içmək məclisi təşkil edib və xüsusi karantin qaydalarını kobudcasına pozublar.

Daxili İşlər Nazirliyinin mətbuat xidmətindən Strateq.az-a verilən məlumata görə, daha sonra həmin şəxslər təşkil etdikləri məclisin video görüntülərini çəkərək sosial şəbəkələrdə paylaşıblar.

Məlumat daxil olan kimi Zərdab Rayon polis Şöbəsinin əməkdaşları tərəfindən həmin məclisdə iştiirak edən və karantin qaydalarını pozan 19 nəfər saxlanılıb. Onlardan ikisi məclisin təşkilatçıları, rayon sakinləri Rza Alxasov və Sabiq Nəbiyev rayon məhkəməsinin qərarı ilə 10 sutka inzibati qaydada həbs edilib. Digərləri barəsində isə İnzibati Xətalar Məcəlləsinin 211-ci maddəsi ilə tədbir görülərək 100 manat miqdarında cərimə ediliblər.