XƏBƏR LENTİ

12 Avqust 2020
11 Avqust 2020

Digər Xəbərlər

17 May 2015 - 17:48

“Oliqarxlar bilmirdi ki, bir gün deyəcəklər, “yediyini qaytar”?”- Mirşahin

“Oliqarxlar bilmirdi ki, bir gün deyəcəklər, yediyini qaytar”- Mirşahin

Mirşahin Ağayev bu dəfə “Hesabat”da ötən həftənin ən qalmaqallı və səs-küylü hadisəsind'n – “maliyyə xəyanəti” ilə bağlı həbs olunanlardan danışıb. Aşağıda onun ANS efirindən söylədiklərini təqdim edirik:

Neftin qiymətinin aşağı düşməsi əslində pis haldır. Amma bu faktın yaxşı tərəfi də var. Məsələn, iqtisadiyyatında daha çox neftin qiymətinə bel bağlayan dövlətlər yeni vəziyyətdə başqa imkanlar axtarırlar. Son bir həftənin kredit gurultusunu da, müəyyən mənada, neftin ucuzlaşması ilə bağlayıram. Ona görə ki, dövlət yeni şəraitdə öz təsərrüfatına, necə deyərlər, yenidən baxır – görsün ki, harda nəyi var, öz içində təftiş aparır.

Tutaq ki, ailədə iki işləyəndən biri gəlir gətirmir, ya da az gətirir. Bu zaman ailə üzvlərindən kimsə pulu gizlədərsə, bu, ən azı sədaqətsizlikdir. Və bu gün ailə üzvlərindən bir neçəsinin dövlətə verməli olduğu məbləğ 1 milyard manata yaxındır. Borc qaytarılmalıdır, vəssəlam.
Burda anlaşılmayan bir şey yoxdur. Anlaşılmayan bilirsiniz nədir? Cəmil Həsənlinin çıxışı! O qəflətən, kreditə görə saxlanılanların hüquqlarını qoruyacağını bəyan edib.
Paho! Bəs axı professor hələ dünənədək talana son deyirdi! Dövlət də bu saat elə onun istədiyini edir axı. Dövlətdən külli miqdarda borc alıb qaytarmayanları tənbeh edir. Bu vaxt Cəmil Həsənli dövlətin yanında olmalı deyildi? Borclulara gəlincə isə, məgər bilmirdilər ki, bir gün deyəcəklər “yediyini qaytar” və bu, o qədər də xoşagələn prosedur olmayacaq!
Baş verənləri iş adamlarına təzyiq kimi yozmaq istəyən fürsətcillərə prezident əla cavab verdi: “Azərbaycan dövləti özəl sektoru dəstəkləyir. Mən Azərbaycanın iş adamları ilə mütəmadi qaydada görüşlər keçirirəm, onlara öz siyasi dəstəyimi verirəm. İş adamlarından yeganə tələbim ondan ibarətdir ki, onlar öz işini qanun çərçivəsində təşkil etsinlər. Belə olan halda heç kimin problemi olmayacaq. Azərbaycanda hüquqi dövlət qurulur və bütün məsələlər öz həllini qanun çərçivəsində tapmalıdır”.