XƏBƏR LENTİ

22 Sentyabr 2020
21 Sentyabr 2020

Digər Xəbərlər

12 May 2020 - 12:05

Kürəkəni Ramiz Mehdiyevin barəsində yayılan xəbərdən danışdı:"Hazırda AMEA-da işinin başındadır"

Azərbaycan Milli Elmlər Akademiyasının prezidenti Ramiz Mehdiyevin guya vəfat etməsi ilə bağlı yayılan xəbərlərə akademikin kürəkəni, Milli Məclisin sabiq deputatı İlham Əliyev aydınlıq gətirib. 

Strateq.az xəbər verir ki, o, Demokrat.az-a açıqlamasında yayılan məlumatların doğru olmadığını bildirib:

“Ramiz Mehdiyev Novruz bayramı günündən bəri Bakıda evindədir, karantin qaydalarının tələblərinə uyğun olaraq evdən bayıra çıxmayıb. Biz də onunla görüşmək istəyəndə yanına gedirik. Səhhəti normal və qaydasındadır. Artıq bir həftədir ki, işinin başına dönüb. Hazırda da Ramiz müəllim AMEA-da işinin başındadır”. 

Sabiq deputat deyib ki, Ramiz Mehdiyevin Göyçayda dincəlməsi barədə yayılan məlumatlar da tamamilə yalandır:

“Ağsaqqal Novruz bayramı günündə Bakıda evində olub. Ağsaqqalın ad gününü Göyçayda keçirməsi barədə yayılan xəbərlər yalan idi. Ramiz müəllim ad gününü Bakıda övladlarının və nəvələrinin yanında keçirib. Həmin günü mən də yanında olmuşam. Axı onun Göyçayda nə işi vardı? Gedib Göyçayda nə edəcəkdi?”.