XƏBƏR LENTİ

20 Sentyabr 2020
19 Sentyabr 2020

Digər Xəbərlər

30 İyul 2020 - 16:48

Kremldən Belarusda “Vaqner” döyüşçülərinin saxlanılmasına reaksiya:"Onlar Rusiya vətəndaşlarıdır”

“Moskva Belarusda Rusiya vətəndaşlarının saxlanılması ilə bağlı tam məlumata malik deyil”.

Bunu Rusiya Prezidentinin mətbuat katibi Dmitri Peskov deyib.

“Moskva Rusiya səfirinin Belarus Xarici İşlər Nazirliyində (XİN) görüşdən sonra saxlanılan rusiyalılar barədə ətraflı məlumatlar əldə edəcəyinə ümid edir. Bu gün bizim səfir Minskdə, XİN-də həmkarları ilə görüşür. Ona görə də ümid edirik ki, bu görüş nəticəsində, eləcə də xüsusi xidmət orqanlarının təmas kanalları nəticəsində baş verənlər haqqında ətraflı məlumat alacağıq. Sözsüz ki, saxlanılan Rusiya vətəndaşlarının hüquqlarının tam qorunacağına ümid edirik”, – deyə D. Peskov vurğulayıb.

Kremlin sözçüsü Belarusda saxlanılan döyüşçülərin Ukrayna vətəndaşlığının olmasına da münasibət bildirib: “Biz onların Ukrayna vətəndaşlığını tanımırıq. Onlar Rusiya vətəndaşlarıdır”.

Qeyd edək ki, dünən Belarusda Rusiyanın “Vaqner” özəl hərbi qurumunun 32 döyüşçüsünün saxlanılması ilə bağlı məlumat yayılıb/APA.