XƏBƏR LENTİ

02 Oktyabr 2020
01 Oktyabr 2020

Digər Xəbərlər

03 Avqust 2020 - 19:29

“Görülən bütün işlərin məqsədi çimərliklərdə koronavirusun yayılmasının qarşısını almaqdır” –BŞİH

“Görülən bütün işlərin məqsədi çimərliklərdə koronavirusun yayılmasının qarşısını almaqdır”.

Bunu Nazirlər Kabineti yanında Operativ Qərargahın brifinqində Bakı şəhər İcra Hakimiyyəti başçısı Aparatının rəhbəri Elgin Həbibullayev deyib.

O bildirib ki, bütün çimərlikdə işləyən qruplarla maarifləndirmə işləri aparılıb, onlara müvafiq təlimatlar verilib: “Bütün çimərliklərdə məlumatlandırıcı lövhələr yerləşdirilib. Sosial məsafənin saxlanılması, gigiyena qaydalarına riayət edilməsi və digər tələblər bu qəbildəndir. Leyla Əliyevanın təşəbbüsü ilə İDEA ictimai birliyi tərəfindən 6 çimərlik də hazır vəziyyətə gətirilib”.

Həbibullayev çimərliklərdə insanlara səsli şəkildə də bəzi təlimatların çatdırılacağını deyib. O bildirib ki, sosial məsafənin qorunması üçün işarələrdən istifadə olunub: “Əsas məsələ dezinfeksiya işlərinin aparılması və məişət tullantılarının vaxtlı-vaxtında daşınmasıdır. Artıq tibbi maskaların atılması üçün tam ayrı konteynerlər quraşdırılıb. Müvafiq dövlət qurumları tərəfindən bütün lazımı tədbirlər görülür. Əsas iş isə vətəndaşların üzərinə düşür”. (apa)