XƏBƏR LENTİ

27 Sentyabr 2020

Digər Xəbərlər

11 Avqust 2020 - 16:59

Azərbaycanda domen adlarının milli inzibatçısı müəyyənləşdirilib –Prezident "Telekommunikasiya haqqında” qanuna dəyişikliyi təsdiqləyib

Prezident İlham Əliyev “Telekommunikasiya haqqında” qanuna dəyişikliyi təsdiqləyib.

Dəyişiklik layihəsinə əsasən, qanuna iki yeni maddə təklif olunub.

1.0.20 maddəsinə əsasən, domen adlarının milli inzibatçısı- “az” ölkə kodlu yüksək səviyyəli domen zonasında domen adlarının inzibatçılığını həyata keçirən səlahiyyətli şəxsdir.

7.10-1 maddəsinə əsasən, “az” ölkə kodlu yüksək səviyyəli domen zonasında domen adlarını qeydiyyatı və onlara texniki xidmət üzrə ödənişin məbləği müvafiq icra hakimiyyəti orqanının müəyyən etdiyi orqan (qurum) ilə razılaşdırılmaqla, domen adının milli inzibatçısı tərəfindən müəyyən ediləcək.