XƏBƏR LENTİ

27 Sentyabr 2020
26 Sentyabr 2020

Digər Xəbərlər

03 Sentyabr 2020 - 16:02

Azərbaycanlıların Almaniyadan deportasiyası təxirə salındı –Səbəb açıqlanmayıb

Ötən gecə Almaniyanın Düsseldorf şəhərindən Azərbaycan vətəndaşlarının xüsusi təyyarə reysi ilə deportasiya edilməsi baş tutmayıb.

Məlumata görə, gecə saat 02:00 radələrində 20-yə yaxın Azərbaycan vətəndaşı Düsseldorf hava limanına gətirilsə də, planlaşdırılan xüsusi reys təxirə salınıb.

Nəticədə onlar yenidən polis və miqrasiya polisinin müşayiəti ilə müvəqqəti olaraq Düsseldorf şəhər Miqrasiya İdarəsinin sığınacaq axtaranlar üçün nəzərdə tutulan yataqxanalardan birinə yerləşdiriliblər.

“Deportasiya prosesinin hansı səbəblərə görə təxirə salınmasının səbəbi açıqlanmayıb. Ancaq Azərbaycan vətəndaşlarının Düsseldorf şəhər hava limanına yaxın yataqxanaya yerləşdirilməsi onu deməyə əsas verir ki, növbəti həftə deportasiya üçün nəzərdə tutulan xüsusi Düsseldorf – Bakı reysi həyata keçirilə bilər”, – məlumatlı mənbə “Report”a bildirib.

Qeyd edək ki, koronavirus pandemiyası dövründə 5 azərbaycanlı Almaniyadan deportasiya olunub.