XƏBƏR LENTİ

02 Dekabr 2020

Digər Xəbərlər

27 Oktyabr 2020 - 11:45

Deputat:“Koronavirus təhlükəsi artmaqdadır, heç kim arxayınlaşmamalıdır”

“Son günlər Azərbaycan cəmiyyətində əsas məsələ birlik modelinin inkişaf etdirilməsidir”. 

Bunu Milli Məclisin bu gün keçirilən iclasında deputat Fazil Mustafa deyib.

O bildirib ki, bu model Prezident İlham Əliyevin rəhbərliyi ilə həyata keçirilir: “Bu gün Azərbaycanda bütün siyasi qüvvələr dövlətin vahid siyasəti ətrafında birləşib. Ordumuzun qələbələr qazanır. Lakin koronavirus təhlükəsi davam edir, Azərbaycan cəmiyyətində heç kim arxayınlaşmamalıdır. Koronavirus təhlükəsi artmaqdadır. Bu təhlükəyə görə biz Orduya dəstək vermək səylərimizi azalda bilərik. Operativ Qərargah bununla bağlı təcili tədbirlər görməlidir. Bölgələrdə xüsusilə yoluxma halları artmaqdadır”/APA.