XƏBƏR LENTİ

25 Oktyabr 2020
24 Oktyabr 2020

Digər Xəbərlər

30 Mart 2016 - 14:34

Qubad İbadoğlu hakimiyyətin ona vəzifə verməsindən danışdı

Qubad

Mediamızda hökümətin Qubad İbadoğluna vəzifə verməsi barədə xəbərlər yayılıb.

Bununla bağlı ADR hərəkatının sədri, iqtisadçı ekspert Qubad İbadoğlu ölkə.az-a açıqlama verib:

"Əvvəla qeyd edim ki, Azərbaycana hansısa vəzifəyə görə qayıtmamışam. Mübarizə apardığım demokratik və bütöv Azərbaycan üçün fəaliyyətimi davam etdirəməyə gəlmişəm. Bu istiqamətdə Azərbaycan höküməti ilə heç bir müzakirəm olmayıb. Heç bir təklif müzakirəyə çıxarılmayıb. Başqa ölkələrin hökumətlərindən iqtisadiyyat sahəsində xidmətlərimi göstərmək, tövsiyyələrimi vermək üçün təkliflər almışam, ancaq Azərbaycana qayıtmağa qərar verdim. Hazırda Azərbaycanda həm ictimai, həm pedeqoji sektorda, həm də, araşdırma istiqamətində fəaliyyətimi davam etdirirəm".

Qubad İbadoğlu ADR hərəkatının partiyaya çeviriləcəyi barədə yayılan xəbərlərə də münasibət bildirib:

"ADR hərəkatı bir nəfərin şəxsi istəyi və iradəsi ilə idarə olunmur. ADR-in ictimai hərəkat formasında siyasi partiyaya transformasiya olunması ADR hərəkatının ümumi yığıncağının qərarından sonra ola bilər. Öncədən deyim ki, bu istiqamətdə bizim qərar vermək fikrimiz olacaqsa, yəqin ki, əvvəlcədən müzakirələrə başlayacağıq və üzvlərin mövqeyini öyrənəcəyik. Bu istiqamətdə hələlik bizim müzakirələrimiz belə yoxdur. Bu məsələ gündəlikdə deyil".

Qeyd edək ki, Qubad İbadoğlu 1 il idi ki, ABŞ-da yaşayırdı.