XƏBƏR LENTİ

10 Mart 2021

Digər Xəbərlər

23 Noyabr 2020 - 20:32

“İtkin düşən hərbçilərin sayı 2500-ə çatır” –Ermənistanda əsgər ailələrinin etirazları davam edir

“David Tonoyan müdafiə naziri olarkən onunla iki dəfə görüşdük, tələblərimizi səsləndirdik, lakin o, heç bir tədbir görmədi”.

Bunu noyabrın 23-də Ermənistan Müdafiə Nazirliyinin binasının qarşısında aksiya keçirən itkin düşmüş hərbçilərin qohumlarından biri deyib.

“İstefa Tonoyanı məsuliyyətdən azad etmir. Bizimlə görüşəndə bu məsələnin 1-2 həftə ərzində həll ediləcəyini dedi. Amma ay yarım keçsə də, heç bir şey həll olunmayıb”, – deyə etirazçı qeyd edib.

Onun sözlərinə görə, aksiyada əsasən Cəbrayıl və Hadrutda xidmət etmiş hərbi qulluqçuların valideynləri iştirak edirlər.

“İlk zərbələr Cəbrayıl, Hadrut, Talış, Füzuli, Madagizə vuruldu. Orada itkin düşən hərbçilərin sayı 2500-ə çatır, amma onlar barədə heç bir şey bilmirik. Artsrun Ovannisyan (nazirliyin keçmiş mətbuat katibi) da ittiham olunmalıdır. Xalqı bu qədər necə aldatmaq olar?!” – deyə etirazçı qəzəbini ifadə edib. (azpolitika.info)