XƏBƏR LENTİ

26 Yanvar 2021

Digər Xəbərlər

01 Dekabr 2020 - 14:53

Hakan Fidan İsrail rəsmiləri ilə gizli görüş keçirib –İddia

Türkiyənin milli kəşfiyyat xidmətinin (MİT) rəisi əlaqələri normallaşdırmaq üçün İsrail rəsmiləri ilə gizli danışıqlar aparır.

Strateq.az “əl-Monitor”-a istinadla xəbər verir ki, bunu adları açıqlanmamaq şərti ilə 3 mənbə bildirib.

Son həftələrdə ən azı bir dəfə Türkiyəni təmsil edən MİT rəhbəri Hakan Fidanla görüşlər keçirilib.

Mənbələr görüşün harada keçirildiyini söyləməkdən imtina ediblər. Çünki rəsmi qaynaqlar, adətən, kəşfiyyatla əlaqəli məsələlərə təfərrüatlı şərh verməkdən imtina edirlər.

Mənbələrdən biri bildirib ki, Türkiyə ilə İsrail arasında trafik davam edir.

Hakan Fidanın əvvəllər Suriya və Liviyadakı təhlükəsizlik məsələlərini müzakirə etmək üçün bir neçə dəfə bu cür görüşlər keçirdiyi iddia olunur.

Ankarada Co Baydenin prezidentliyi dövründə ABŞ-Türkiyə münasibətlərinin hamar olmayacağı gümanı var. “Hesablama budur ki, İsraillə xoş münasibət qurmaq Bayden administrasiyasının rəğbətini qazandıracaq”, – deyə mənbələrdən biri izah edib.

İsrail Milli Təhlükəsizlik Araşdırmaları İnstitutunun baş elmi işçisi Qalliya Lindenstrauss münasibətlərdə yeni səhifəni açmaq üçün bir fürsət pəncərəsinin olduğu fikrini qəbul edir. “Səfirləri geri qaytarmaqla ilk addımın atılmasının hər iki dövlətin də marağına uyğun olduğunu düşünürəm”.