XƏBƏR LENTİ

26 Yanvar 2021

Digər Xəbərlər

21 Dekabr 2020 - 20:21

Rusiya Müftilər Şurası:Qarabağda məscidlərin təhqir olunmasını pisləyirik

“Məbədi təhqir etmək yolverilməzdir. Hər bir dinin məbədi müqəddəsdir. Biz hər hansı dini məbədin, o cümlədən məscidləri təhqir etməyi yolverilməz hesab edirik. Bununla nifrət toxumları səpilir, dinlər arasında ədavət qızışdırılır, münaqişələr meydana gəlir”.

Bu fikirləri Rusiya Federasiyasının Müftilər Şurası, Rusiya Müsəlmanları Ruhani İdarəsinin sədr müavini Rövşən Abbasov dilə gətirib.

“Dini zəmində baş verən münaqişələrin illərlə, bəzən hətta əsrlərlə davam etdiyini dərk etmək lazımdır. Bu mənada Dağlıq Qarabağdakı məscidlərin təhqir olunmasını qınayırıq. Bu, mənfur və xəbis əməldir. Dini etiqadı, milliyəti nə olursa-olsun, insanlar bu cür təxribatlara uymamalıdır”, – rusiyalı ruhani vurğulayıb.

“Biz Qafqaz Müsəlmanları İdarəsi ilə yaxın əlaqə saxlayırıq, möhtərəm Şeyxülislam Hacı Allahşükür Paşazadə ilə yaxşı münasibətlərimiz var. Aramızda həm də Qarabağdakı son hadisələrlə bağlı yazışmaları saytlarımızdan da görmək olar. Qardaşlıq münasibətlərimizi daim qoruyuruq”, – Rusiya müsəlmanlarının rəsmi nümayəndəsi qeyd edib. (report)