XƏBƏR LENTİ

24 Yanvar 2021
23 Yanvar 2021

Digər Xəbərlər

07 Yanvar 2021 - 10:00

ABŞ-da gərginlik:Birinci xanımın aparat rəhbəri istefa verdi

ABŞ-ın birinci xanımı Melanya Trampın aparatının rəhbəri Stefani Qrişem çərşənbə günü Vaşinqtonda qarışıqlıqları nəzərə alaraq vəzifəsindən istefa verib.

Bu barədə CNN telekanalı məlumat yayıb.

Məlumata görə, Qrişem bildirib ki, öz vəzifəsini dərhal tərk etmək niyyətindədir. Daha əvvəl o, Ağ Evin mətbuat katibi, həmçinin Ağ Ev Aparatında kommunikasiyalar üzrə direktor olub.

Çərşənbə günü ABŞ-ın hazırkı prezidenti Donald Trampın tərəfdarları Konqresinin binasına hücum etməyə çalışıblar. Onlar sonda binanın içinə girməyə nail olublar. Qanunverici orqanın nümayəndələri təhlükəsiz yerlərə təxliyə edilib.

Son məlumatlara görə, toqquşmalar zamanı etirazçılardan biri həlak olub, daha dörd nəfər yaralanıb. Ölən şəxs qadındır. ABŞ polisi azı 20 nəfəri qarışıqlıqlar yaratmaq ittihamı ilə saxlayıb/Report.