XƏBƏR LENTİ

10 Mart 2021

Digər Xəbərlər

18 Fevral 2021 - 18:35

Ermənistanın hərbi prokuroru:"Müharibədə ölən erməni hərbçilərin sayı məlum deyil"

“İkinci Qarabağ müharibəsində ölən erməni həbçilərinin 3 389-nun meyiti identifikasiya olunub”.

“Sputnik Armeniya” xəbər verir ki, bunu Ermənistanın hərbi prokuroru Vaqe Arutyunyan prokurorluq orqanlarının fevralın 18-də keçirilən müşavirəsində bildirib.

Onun sözlərinə görə, 2020-ci ildə xidməti vəzifələrini yerinə yetirərkən ölən hərbçilərin yekun sayı hələ məlum deyil: “Hərbçilərin, mülki şəxslərin meyitlərinin axtarışı davam edir. 2020-ci ildə 3 389 hərbçinin meyiti identifikasiya olunub”.

Hərbi prokuror deyib ki, 44 günlük müharibədə Ermənistanın 9 094 hərbçisi müxtəlif dərəcəli bədən xəsarəti alıb. V.Arutyunyanın sözlərinə görə, 2020-ci ildə Ermənistanın hərbi hissələrində 3 016 cinayət qeydə alınıb ki, bu da 2019-cu illə müqayisədə 3 dəfə (ötən il 929 cinayət qeydə alınıb) çoxdur. O vurğulayıb ki, 3 016 cinayətin 55 faizi amansızlıq və xüsusi amansızlıqla törədilib.

Müşavirədə Ermənistanın müdafiə naziri Vaqarşak Arutyunyan da iştirak edib/Report.