XƏBƏR LENTİ

10 Avqust 2020
09 Avqust 2020

Digər Xəbərlər

27 May 2015 - 17:24

“Bu dairələrə xəbərdarlıq edirik ki…” – Əli Həsənov
Avropanın bəzi media orqanlarında I Avropa Oyunları ərəfəsində Azərbaycanla bağlı yayılan tənqidi yazılara Azərbaycan prezidentinin ictimai-siyasi məsələlər üzrə köməkçisi Əli Həsənov sərt cavab verib.
Strateq.az Virtualaz.org-a istinadən xəbər verir ki, Əli Həsənov Qərb mediasının OCCRP adlı qurumun araşdırmasına istinadən Azərbaycana qarşı irəli sürülən ittihamlarla tanış olduğunu deyərək, belə cavab verib:
Hesab edirəm ki, bu qurumun növbəti “araşdırması” Qərbdəki müəyyən dairələr tərəfindən Azərbaycana qarşı təşkil olunmuş “qara piar” kampaniyasının tərkib hissəsidir. Bir müddət öncə ABŞ və Avropadakı bəzi mərkəzlərin Azərbaycana qarşı həyata keçirməyə hazırlaşdıqları layihələr ifşa olunaraq mətbuata açıqlanmış və Azərbaycan ictimaiyyətində geniş müzakirəyə səbəb olmuşdu. Həmin layihələrdə açıq şəkildə göstərilirdi ki, bəzi xarici dairələr l Avropa Oyunlarını Azərbaycanın beynəlxalq nüfuzunu ləkələmək üçün əlverişli fürsət hesab edirlər və bu oyunlar yaxınlaşdıqca ölkəmizə qarşı müxtəlif qarayaxma tədbirlərinin keçirilməsi, KİV-lərdə qərəzli materialların yayılması, ayı-ayrı qurumların bəyanatlar verməsi intensivləşdiriləcək.
Qərbin müəyyən dairələri ilə sıx bağlılığı olan bu tipli qurumlar müstəqil siyasət yürüdən və kimlərinsə iradəsinə baş əyməyən dövlətlərə qarşı bir təzyiq vasitəsidir. Həmin təşkilatlar ardıcıl şəkildə “jurnalist araşdırması” adı altında bəzi ölkələr, o cümlədən də Azərbaycan haqqında əsassız, yalan və şantaj xarakterli materiallar dərc ediblər. Görünür, anti-Azərbaycan dairələr l Avropa Oyunlarına iki həftəyə yaxın vaxt qalmış anda növbəti “jurnalist araşdırmasını” efirə buraxmaqla öz məkrli istəklərinə nail olacaqlarını düşünürlər.
Bu çirkin kampaniyanın müəllifləri və icraçıları, onların qeyri-sağlam məqsədlərinin mahiyyəti həm Azərbaycan ictimaiyyətinə, həm də xarici aləmə məlumdur.
Biz də onları xəbərdar edirik ki, belə ucuz və primitiv metodlarla başqa ölkələrlə bağlı reallaşdırdıqları ssenariləri Azərbaycanda həyata keçirə bilməyəcəklər. Onlar əmin ola bilərlər ki, Azərbaycanı öz müstəqil siyasətindən döndərməyə müvəffəq olmayacaqlar və öz layiqli cavablarını da alacaqlar.
Strateq.az