XƏBƏR LENTİ

21 Yanvar 2021
20 Yanvar 2021

Digər Xəbərlər

06 May 2016 - 11:19

“Yüzlərlə adam cinayət məsuliyyətindən və cəzadan azad olunacaq” –Ekspertdən "mini amnistiya" açıqlaması

ersad-huseynov

Xəbər verdiyimiz kimi, bu gün Milli Məclisdə Cinayət Məcəlləsinə bır sıra dəyişikliər ediləcək.

Strateq.az xəbər verir ki, bununla bağlı fikirlərini bölüşən ekspert Ərşad Hüseynov bildirib ki, dəyişiklikləri ümumi şəkildə "MİNİ AMNİSTİYA" adlandırmaq mümkündür:

"Çünki onların qüvvəyə minməsindən sonra yüzlərlə adam cinayət məsuliyyətindən və cəzadan azad olunacaq, bəzilərinin cəzası xeyli yüngülləşəcək, bəziləri isə cəzadan azad olunmaq şansı qazanacaq. Məsələn, indiyədək oğurlanan əmlakın dəyəri 30 manatı aşanda bu, cinayət sayılırdı, bundan sonra həmin məbləğ 100 manata qaldırılır (30-100 manat arası oğurluğa görə məhkum olunanlar avtomatik olaraq cəzadan azad olunacaq). İndiyədək 30 manatdan artıq ziyan vurmaqla dələduzluq edənlər və ya özgə əmlakını mənimsəyənlər cinayət məsuliyyətinə cəlb olunurdu, amma bundan sonra dələduzluq və mənimsəmədə yalnız 100 manatdan yuxarı məbləğdə ziyan olduqda cinayət sayılacaq". 

Ekspertin sözlərinə görə, ümumiyyətlə, mülkiyyət əleyhinə və sahibkarlıq fəaliyyəti sahəsində cinayət məsuliyyətinə cəlb etmə hədləri qaldırılıb: "Məsələn, əvvəl 2000 manatdan artıq vergidən yayınma cinayət idi, bu qanundan sonra 20 000 manatdan artıq vergidən yayınma cinayət sayılacaq. 

Daha sonra cinayət məsuliyyətindən azad olma imkanları da genişlənir. Məsələn, sağlamlığa qəsdən yüngül zərər vuran şəxs zərərçəkənlə barışdıqda cinayət məsuliyyəti istisna olunur. Bəzi cinayətlər nəticəsində vurulan zərəri ödəmək cinayət məsuliyyətindən azad etməyə səbəb olur (məsələn, qanunsuz sahibkarlıqda, yalançı sahibkarlıqda və s.)".

Bununla belə, bəzi əməllərin sanksiyası da sərtləşir, xüsusən, cərimə cəzaları bəzi hallarda artırılır:

"Bəzi cinayətlər üçün isə məsuliyyətə cəlbetmə həddi əhəmiyyətli dərəcədə qaldırıldığına görə sanksiya da artırırlır. Özü də sanksiya məhz cinayət nəticəsində vurulan ziyanın misli ilə hesablanacaq (məsələn, əmtəə nişanından qanunsuz istifadə edən şəxs 20 00 mnatdan artıq ziyan vurarsa, cinayət məsuliyyətinə cəlb olunacaq və ziyanın və ya qanunsuz əldə etdiyi gəlirin 2-4 misli miqdarında, yəni 40 00- 80 000 manat cərimə olunacaq).

Bundan sonra cibgirlərin də işi ağırlaşacaq. Cibgir 100 manatdan çox talayarsa, 3-7 il azadlığını itirə bilər (əvvəllər buna görə maksimum 2 ilədək azadlıqdan məhrum etmə ilə canını qurtara bilərdi).
Başqa maraqlı şeylər də var…".