XƏBƏR LENTİ

21 Sentyabr 2020
20 Sentyabr 2020
19 Sentyabr 2020

Digər Xəbərlər

13 May 2016 - 14:50

Xələf Xələfov:"Azərbaycan çox yaxında qələbə qazanacaq"

Dağlıq Qarabağ münaqişəsi Ermənistan və onun havadarları tərəfindən yaradılıb ki, münaqişəni idarə etsinlər və bu kontekstdə öz maraqlarına nail olsunlar.

Bunu Azərbaycan xarici işlər nazirinin müavini Xələf Xələfov bu gün Milli Məclisdə keçirilən "Təmas xəttində son hadisələr: Beynəlxalq humanitar hüququn problemləri" adlı dinləmələrdə deyib.

X.Xələfov bildirib ki, beynəlxalq birlik bu problemin diplomatik yolla həllinin mümkünlüyünü görür.

Nazir müavini deyib ki, Azərbaycanın xarici siyasəti sülsevər siyasətdir, amma Ermənistan sülhə əməl etmir: "Ermənistanın sülhə gətirilməsi üçün beynəlxalq birliyin təsiri olmalıdır. Bu olmasa, məsələnin sülh yolu ilə həlli mümkün deyil. Dünya birliyi bunu dərk edir. Bu, Azərbaycanın siyasəti nəticəsində baş verir. Biz siyasi yola üstünlük verəcəyik. Amma daim atəş altında yaşamaq da Azərbaycan xalqının haqqı deyil".

X.Xələfov əlavə edib ki, Azərbaycanın qüdrətlənməsi imkan verəcək ki, diplomatik yollardan daha səmərəli istifadə etsin.Əks halda Azərbaycan beynəlxalq hüquqdan istifadə etməklə öz ərazi bütövlüyünü təmin edəcək.

O qeyd edib ki, Azərbaycanın bu münaqişədə qələbə çalması çox yaxında baş verəcək(trend).