XƏBƏR LENTİ

12 Avqust 2020
11 Avqust 2020

Digər Xəbərlər

13 İyun 2016 - 02:17

Cavid Qurbanov:"Hakimiyyət dəyişikliyi layihənin gecikməsinə səbəb oldu"

 cavid-q-2

"Gürcüstanda baş verən hakimiyyət dəyişikliyi Bakı-Tiflis-Qars dəmir yolunun 1 il yarım gecikməsinə səbəb oldu”.

Bu sözləri Azərbaycan Dəmir Yolları Qapalı Səhmdar Cəmiyyətinin (QSC) sədri Cavid Qurbanov ANS TV-nin “Hesabat" verilişində deyib.

Cavid Qurbanov işlərin çətin iqlim şəraitində – dəniz səviyyəsindən 2300-2500 metr hündürlükdə getdiyini, bütün bunların da dəmir yolu xəttinin tikintisinə təsirinin qaçılmaz olduğunu diqqətə çatdırıb.

Onun sözlərinə görə, dəmir yolunun Gürcüstan hissəsinin, demək olar ki, tamamlanmaq üzrə olduğu, Türkiyə tərəfində torpaq işinin 80%-nin yekunlaşdığı, qalan işlərin isə bu ilin sonuna qədər yekunlanacağı gözlənilir. Texniki işlər artıq tamamlanıb.

Daha sonra Şimal-Cənub dəhlizi layihəsinə toxunan Cavid Qurbanov görülən işlərdən danışıb. İşlərin 70%-nin tamamlandığını, yolun 5.5 km-nin artıq çəkildiyini və körüpünün dayaqlarının qoyulduğunu diqqətə çatdıran qonaq tezliklə 8.3 km-in də çəkilərək birlşədiriləcəyini söyləyib.

İpək Yolu layihəsinə toxunan C.Qurbanov bu layihənin çox böyük coğrafi ərazini əhatə etdiyini diqqətə çatdırıb. O bildirib ki, bu yol həm Rusiyanın, həm Azərbaycanın, həm də Qazaxıstanın üzərindən keçməklə Avropaya çıxışı genişləndirəcək: "Çin, Avropa və bu dövlətlər arsında mübadilə təqribən 100 milyon ton ətrafındadır. Lakin zaman keçdikcə bu rəqəm artacaq. Bununla da nəqliyyat növlərinə tələbat da artacaq. Çoxaladıqca da, bu yolun genişlənməsi lazımdır. Bunun da əsaslarından biri ölkəmizdən keçən dəmir yoludur. Bu yol Qazaxıstan və Çin arasındakı "Dostluq" stansiyasından başlayır, Aktaunu keçir və Bakıdakı Ələt limanına, oradan Gürcüstana, Gürcüstandan Poti və Batumi limanlarına, oradan da Avropaya paylanır”.