XƏBƏR LENTİ

29 Noyabr 2020
28 Noyabr 2020

Digər Xəbərlər

08 İyul 2016 - 00:48

“Suriya xəritədən silinir, buna göz yummaq mümkün deyil” –Ərdoğan NATO-ya səsləndi

erdoqan-23

"Suriya xəritədən silinməyə doğru gedir. Buna göz yummaq mümkün deyil”.

Bu sözləri Türkiyə prezidenti Rəcəb Tayyib Ərdoğan NATO-nun Varşavada keçirilən sammitinə yola düşməzdən əvvəl jurnalistlərə verdiyi açıqlamada deyib.

O bildirib ki, miqrantlar məsələsində NATO Türkiyəni tək buraxmamalıdır: "İraq və Suriyadakı vəziyyət sammitin və ikitərəfli görüşlərin əsas gündəmi olacaq. Hər geçən gün Suriyadakı vəziyyət fərqli yola istiqamətə yönəlir. Bu məsələlər ordadakı bütün görüşlərimizdə müzakirə olunacaq”.  

Ərdoğan NATO-nun bu məsələlərdə daha çox səy göstərməli olduğunu deyib:

"Bu mərhələdə NATO daha aktiv fəaliyyət göstərməlidir. NATO-nun yeni təhdidlər qarşısında özünü də gücləndirməsi çox əhəmiyyətlidir. Bu təşkilatın Türkiyəni təhdid edən hadisələr qarşısında daha çox səy göstərəcəyinə ümid edirik".

ANS