XƏBƏR LENTİ

08 Avqust 2020
07 Avqust 2020

Digər Xəbərlər

07 İyul 2015 - 01:13

Milli Koordinatorun səlahiyyətləri artırıldı – Nazirlər Kabineti qaydaları dəyişdi

Azərbaycanda insan alveri qurbanları üçün Daxili İşlər Nazirliyi tərəfindən yaradılan sığınacaqlar və Əmək və Əhalinin Sosial Müdafiəsi Nazirliyi tərəfindən Maliyyə Nazirliyi, Daxili İşlər Nazirliyi, Səhiyyə Nazirliyi, Təhsil Nazirliyi, Gənclər və İdman Nazirliyi ilə razılaşdırılmaqla yaradılır və Əmək və Əhalinin Sosial Müdafiəsi Nazirliyinin tabeliyində olan yardım mərkəzləri insan alveri qurbanlarının sosial reabilitasiyası üzrə tədbirlərə müqavilə əsasında ştatdankənar mütəxəssisləri insan alverinə qarşı mübarizə üzrə Milli Koordinatorla razılaşdırmaqla cəlb edə biləcəklər.

APA-nın məlumatına görə, bu, Nazirlər Kabineti tərəfindən “İnsan alveri qurbanları üçün xüsusi müəssisələrin yaradılması, maliyyələşdirilməsi, fəaliyyəti, habelə onların fəaliyyətinə nəzarət Qaydaları”na edilən dəyişiklikdə əksini tapıb.

Qaydalara edilən dəyişikliyə əsasən, xüsusi müəssisələrdə, yəni sığınacaq və yardım mərkəzlərində insan alveri qurbanlarına göstərilən xidmətlərin nəticələrinin qeydə alınması və istifadəsi üçün yaradılan konfidensial elektron məlumat bazasındakı məlumatlar insan alverinə qarşı mübarizə üzrə xüsusi polis qurumuna təqdim ediləcək.

Məlumat üçün bildirək ki, Azərbaycanda insan alverinə qarşı mübarizə üzrə xüsusi polis qurumu DİN-in İnsan Alverinə Qarşı Mübarizə Baş İdarəsi sayılır, Milli Koordinator isə Daxili işlər nazirinin müavini, general-leytenant Vilayət Eyvazovdur.