Azərbaycanda fəaliyyət göstərən investisiya şirkətlərinə yeni səlahiyyət verilib.

Bu barədə "Kapital Menecment İnvestisiya Şirkəti" QSC-nin analitiki Cəfər İbrahimli məlumat verib.

Onun sözlərinə görə, indiyə qədər qiymətli kağızlarla əməliyyat aparmaq istəyən investorlar şəxsi depo hesabı açmaq üçün yalnız Milli Depozit Mərkəzinə (MDM) müraciət etməli idi. Həmçinin, əməliyyatdan sonra depo hesabından çıxarışı da MDM təqdim edirdi. 

"Bundan sonra isə investorlar investisiya şirkətinə müraciət edərək onlayn qaydada MDM-də depo hesabı açdıra, əməliyyatsonrası hesabdan çıxarışlarını al abiləcəklər. Bununla investorlar əməliyyat aparmaq üçün sənəd dövriyyəsinə və vaxta qənaət etmış olacaqlar", – deyə şirkət rəsmisi qeyd edib. 

Report