XƏBƏR LENTİ

04 Avqust 2020

Digər Xəbərlər

18 İyul 2015 - 11:03

Moskvada Qarabağ danışıqları – Nazirlərin mövzusu

Rusiya və Azərbaycan XİN başçılarının iyulun 17-də Moskvada keçirilən işgüzar görüşündə ikitərəfli münasibətlərə dair bir çox məsələlər müzakirə olunub.

Görüşlə bağlı ilkin xəbərlərdə Lavrovun və həmkarının əsas diqqəti Qarabağ münaqişəsinə yönəltdiyi qeyd edilib. Lakin görüşdə digər məsələlər də müzakirə olunub.

Diplomatik qaynaqlardan verilən informasiyaya görə, tərəflər bütün istiqamətlər üzrə ikitərəfli əməkdaşlığı dərinləşdirməyin vacibliyini bildiriblər. Lavrov deyib ki, bura regional əməkdaşlıq, Xəzərdə, BMT və ATƏT-də, habelə digər formatlarda əməkdaşlıq məsələləri daxildir.

Lavrov deyib ki, təmaslar yay tətilindən sonra – sentyabrdan intensivləşməyə başlayacaq. Sentyabrda Yekaterinburqda ticari-iqtisadi əməkdaşlığa dair ikitərəfli komissiyanın iclası olacaq.

“Sentyabrda Rusiya Sverdlovsk vilayətində böyük silah və hərbi texnika sərgisi təşkil edəcək. Azərbaycanın nümayəndələrini də həmin sərgidə gözləyəcəyik. Sentyabrda Sankt-Peterburqda Arktikanın neft-qaz yataqlarını işlənməsi məsələlərinə həsr olunmuş konfrans keçiriləcək. Azərbaycanın energetika nazirinin həmin konfransda iştirakını gözləyirik” – deyə, Lavrov bildirib.

Məmmədyarov isə öz növbəsində Rusiya ilə Azərbaycanın mövqelərinin daha da yaxınlaşmasının vacib olduğunu bildirib(Virtualaz.org).