XƏBƏR LENTİ

01 İyun 2020
31 May 2020

Digər Xəbərlər

28 Avqust 2016 - 02:10

Türkiyə “İncirlik” aviabazası ilə bağlıAlmaniya hökumətinə ultimatum verib

in

 Türkiyə almaniyalı deputatların “İncirlik”  aviabazasına gözlənilən səfərlə bağlı Almaniya hökumətinə ultimatum verib. APA-nın xəbərinə görə, bu barədə  “Der Spiegel” nəşri məlumat yayıb.

Məlumata görə, Ankara iyun ayından etibarən almaniyalı deputatlardan ibarət nümayəndə heyətinin aviabazaya səfər etməsinə icazə vermir.  Qeyd edək İŞİD-ə qarşı mübarizə aparan bundesver qüvvələri “İncirlik” bazasında  yerləşdirilib.

“Der Spiegel” qeyd edir ki, Türkiyə tərəfi Almaniya hökumətinin Bundestaqın  qəbul etdiyi uydurma “erməni soyqırımı”nın tanınması barədə qətnaməsindən uzaq duracağı təqdirdə, nümayəndə heyətinə “İncirlik” bazasına səfər etməsinə icazə verəcək.

 “Biz Bundestaqın bu cür qərar qəbul etməsi faktı ilə yaşaya bilərik. Lakin Almaniya hökuməti qətnamədəki soyqırımı termininin hüquqi mənasının olmamasına dair rəsmi açıqlama verməlidir”, – deyə adı çəkilməyən yüksəkvəzifəli türkiyəli diplomat bildirib.   

Nəşr  qeyd edir ki,  Almaniya XİN-i hazırda tələsik bütün tərəfləri qane edə biləcək qərar tapmağa çalışır.