XƏBƏR LENTİ

11 Avqust 2020

Digər Xəbərlər

03 Sentyabr 2016 - 14:11

“Bu gün məni Polis Bölməsinə çağırdılar, səbəbini izah etmədilər” –Jurnalist Əvəz Zeynallı polisə çağrılıb

Zeynallı

«Xural» qəzetinin baş redaktoru Əvəz Zeynallı polisə çağırılıb.

Bunu AzadlıqRadiosuna Əvəz Zeynallı özü bildirib.

«Bu gün məni saat 15:00 üçün Binəqədi Rayon Polis İdarəsinin 4-cü Polis Bölməsinə çağırdılar, səbəbini izah etmədilər, dedilər ki, gəl, söhbətimiz var. Mən də məişət işlərimlə bağlı ancaq saat 4-də gedə biləcəyəm», – deyə jurnalist bildirib.

Əvəz Zeynallının polisə çağrılma səbəblərini Binəqədi Rayon Polis İdarəsinin 4-cü Polis Bölməsindən öyrənmək cəhdləri alınmayıb.

Əvəz Zeynallı 2013-cü ildə Bakı Ağır Cinayətlər Məhkəməsinin hökmü ilə 9 il müddətinə azadlıqdan məhrum edilmişdi. O, 2015-cil dekabrın 29-da dövlət başçısı İlham Əliyevin imzaladığı əfv sərəncamı ilə azadlığa buraxılıb.