XƏBƏR LENTİ

06 İyun 2020
05 İyun 2020

Digər Xəbərlər

09 Sentyabr 2016 - 12:02

“Üzv ölkələrimizə hər cür hücum ittifaqımızın təməlinə qarşı hücumdur” –Stoltenberq Ərdoğanla görüşdü

 nato

NATO-nun baş katibi Yens Stoltenberq Türkiyəyə səfəri çərçivəsində prezident Rəcəb Tayyib Ərdoğan tərəfindən qəbul edilib.

15 iyul hərbi çevriliş cəhdindən sonra ilk dəfə Türkiyəyə səfər edən Y. Stoltenberq bu cəhdi qınayıb və Türkiyəyə çoxsaylı ölümlərlə əlaqədar başsağlığı verib. O, çevriliş zamanı türk xalqının göstərdiyi cəsarətə sayğısını ifadə edib: “Üzv ölkələrimizin hər hansı birində demokratiyanı hədəf alan hər cür hücum ittifaqımızın təməlinə qarşı hücumdur. Güclü və demokratik bir Türkiyə Avropanın və regionun sabitliyi, təhlükəsizliyi üçün çox önəmlidir”.

Y. Stoltenberq Ankarada baş nazir Binəli Yıldırım, xarici işlər naziri Mövlud Çavuşoğlu və müdafiə naziri Fikri İşıq ilə də görüşlər keçirəcək.

Baş katib “CNN Türk” telekanalına açıqlamasında Türkiyənin NATO-ya,NATO-nun isə Türkiyəyə ehtiyacı olduğunu bildirib. O, çevriliş cəhdindən sonra da Türkiyənin NATO qarşısındakı öhdəliklərini yerinə yetirməyə davam etdiyini söyləyib. Y. Stoltenberq Türkiyənin İŞİD-ə qarşı mübarizəsindən və Türkiyə ilə Rusiya arasında gərginliyin azalmasından məmnun olduqlarını vurğulayıb.  

APA