XƏBƏR LENTİ

24 Noyabr 2020

Digər Xəbərlər

08 Oktyabr 2016 - 20:28

Yəməndə yas mərasiminəhava zərbəsi endirilib

Yəmənin paytaxtı Səna şəhərində ərəb koalisiyasına məxsus hərbi aviasiya husilərin iştirakı ilə keçirilən yas mərasiminə hava zərbəsi endirib.

Azərtac xarici KİV-lərə istinadla xəbər verir ki, hadisə nəticəsində onlarla insan həyatını itirib. Mənbənin məlumatına əsasən, hava zərbəsi üsyançı hökumətin daxili işlər nazirinin atasının ölümü ilə bağlı matəm mərasiminin keçirildiyi binaya endirilib. Hadisə nəticəsində ölən və yaralanan insanların sayı bir neçə yüz nəfərə çata bilər.

Yəməndə 2014-cü ildən başlayan silahlı münaqişəyə hələ də son qoymaq mümkün olmayıb. Münaqişənin bir tərəfində “Ənsar Allah” şiə qruplaşmasına məxsus husi üsyançıları və keçmiş prezident Əli Abdullah Salehə sadiq ordu hissələri, digər tərəfdə isə hökumət qüvvələri və Prezident Abd Rabbu Mənsur Hadiyə sadiq könüllülər iştirak edir.

Paytaxt Səna şəhəri üsyançıların nəzarəti altındadır. 2015-ci ildən etibarən onların mövqeləri Səudiyyə Ərəbistanını başçılıq etdiyi ərəb koalisiyasının Hərbi Hava Qüvvələri tərəfindən hücuma məruz qalır(azərtac).