“İsrail vətəndaşları xof içindədir”

Yerusəlimdəki Yəhudi universiteti tarix fakültəsinin professoru Yuval Harari bildirib ki, İsrail Qərbin Suriya və İran siyasətindən sarsılmaqla daha ona inanmır.

Strateq.az xarici mətbuata əsasən xəbər verir ki, dünyaca məşhur tarixçinin fikrincə, İsraildə kim baş nazur olsa, olduqca çətin problemlərlə üz-üzə qalacaq: “Onu zorakılığa qərq olmuş bölgədən qorunmaq tələbləri gözləyir. İsrail vətəndaşları xof içindədir. Vətəndaşlar hazırda görürlər ki, sərhədyanı dövlətlər – Suriya, İraq, Liviya dağılır, İran nüvə silahi yaratmağa necə yaxınlaşır. Digər dövlətlər uçurum qırağındadır. Bütöv ölkələr yox olur. Ən pisindən qorxmaq təbii hala çevrilir və yalnız öz gücünə güvənmək qalır. İsrail keçmişdə düşünməyə adət etmişdi ki, qonşu ölkələrlə sülh prosesində iştirak etmək durumundadır, çünki dağıdıcı münaqişə baş verərkən fəlakətdən yayınmaq üçün Qərb işə qarışırdı. Lakin Qərb indi hətta 200 mindən çox insanın həıak olduğu Suriyadakı duruma da qarışmır”.