XƏBƏR LENTİ

13 Avqust 2020
12 Avqust 2020

Digər Xəbərlər

25 Mart 2015 - 07:57

“Boko Haram” döyüşçüləri yenə yüzlərlə uşağı oğurladılar

Onların sağ qalıb-qalmadığı məlum deyil

Nigeriyanın dəfələrlə qadın və uşaqları oğurlamış “Boko Haram” yaraqlıları yenə də yüzlərlə dinc sakini əsir götürüb.

Strateq.az xarici mətbuata əsasən bildirir ki, hadisə ölkənin şimal-şərqində yerləşən Damasak şəhərində baş verib. Şəhər bu günlərdə Niger və çad hərbçilərinin səyləri ilə terrorçulardan azad edilib.

Şahidlərin sözlərinə görə, yaraqlılar tezliklə şəhərdən sıxışdırılıb çıxardılacaqlarını anlayıb 500-dən çox gənc qız və oğlanı əsir götürüblər. Girovlardan 50-sini öldürüb qalanlarını özləri ilə aparıblar. Əvvəllər güman edilən qətl yerindən 70-ə yaxın cəsəd tapılıb.

Arvadı və ikisi bu il ərə getməli olan üç qızı oğurlanmış yerli sakin Süleyman Əli bildirib: “Doğmalarımızın indiyədək sağ qalıb-qalmadığını bilmirik. Onlar dedilər ki, bu adamların hamısı quldurdurlar və onları özləri ilə aparırlar”.