XƏBƏR LENTİ

25 Oktyabr 2020
24 Oktyabr 2020

Digər Xəbərlər

06 Yanvar 2017 - 10:57

“Rusiya ilə “Vikiliks” arasındakı vasitəçilər müəyyən edilib” –ABŞ kəşfiyyatının hesabatı

ABŞ

ABŞ-da keçirilən prezident seçkilərinə Rusiya və digər xarici ölkələrin müdaxiləsinə dair məxfi hesabat Prezident Barak Obamaya təqdim edilib.

 “Assoşieyted Press” xəbər verir ki, hesabatda yer alan məlumatlar yanvarın 6-da yeni seçilmiş prezident Donald Trampa təqdim ediləcək.

ABŞ xüsusi xidmət orqanları Rusiya və “Vikiliks” arasındakı vasitəçiləri də müəyyən etdiyini açıqlayıb. Həmin vasitəçilər ABŞ Demokratlar Partiyasına aid sənədləri dərc olunması üçün “Vikiliks”ə ötürüblər.

CNN-in xəbərinə görə, bu barədə ABŞ kəşfiyyatının məxfi hesabatında qeyd olunub.

Bu arada ABŞ-ın vitse-prezidenti Co Bayden Rusiyanın kiber hücumlarına məxfi tədbirlərlə də cavab verildiyini açıqlayıb.

“Bəzi tədbirlər sizə məlumdur. Lakin atdığımız digər addımlar barədə siz heç nə bilməyəcəksiniz”, – Bayden bildirib.

O, 35 rusiyalı diplomatın ölkədən çıxarılmasının məlum tədbirlərdən biri olduğunu bildirib.

Qeyd edək ki, ABŞ hökuməti rusiyalı hakerlərin ölkənin seçki sistemlərinə və siyasi təşkilatlarının resurslarına hücum etdiyini açıqlayıb. Hücumlar Trampın seçkilərdə qələbə qazanması məqsədilə təşkil edilib.

Rusiya bütün ittihamları rədd edir.

Axar.az