XƏBƏR LENTİ

27 Yanvar 2021

Digər Xəbərlər

09 Yanvar 2017 - 11:04

Obama Trampa şəxsən xəbərdarlıq edib:“ABŞ prezidentliyi sənin üçün ailə biznesi deyil…”

tramp-aile

ABŞ prezidenti Barak Obama deyib ki, o, öz xələfi Donald Trampa Ağ Evi “öz ailə biznesi” kimi idarə etməyə cəhd göstərməməyi tövsiyə edib.

Strateq.az Azadlıq radiosuna istinadən bildirir ki, “ABC News”a müsahibəsində Obama deyib ki, cənab Tramp ABŞ-ın təsisatlarına “hörmət” göstərməlidir: “Elə ki, andiçmə mərasimindən keçdin, sən artıq Yer kürəsində ən böyük təşkilatın başçısı olacaqsan” – deyə Barak Obama bildirib.

O xəbərdarlıq edib ki, idarəetmə ilə kampaniya aparmaq arasında fərq var. Cənab Obama əlavə edib ki, Trampın bir sözü ilə dünya paytaxtları, maliyyə bazarları və insanlar təsirlənə bilər.

Prezident həmçinin Rusyanın ABŞ seçkisini təsirləndirmək məqsədilə həyata keçirdiyi iddia edilən haker hücumlarından da söz açıb və etiraf edib ki, bu təhlükəni lazımınca qiymətləndirməyib. Obama bunu da deyib ki, cənab Trampla söhbətində onu ölkənin kəşfiyyat xidmətlərinə etimad göstərməyə çağırıb.

Donald Tramp aylarla Rusiyanın kibermüdaxiləsi barədə məlumatları rədd etsə də, ötən həftə kəşfiyyat agentliklərinin “böyük pərəstişkarı” olduğunu dilə gətirib, lakin əlavə edib ki, haker hücumunu dəf edə bilməməkdə Demokratik Partiyanın özü təqsirkardır.