XƏBƏR LENTİ

29 May 2020
28 May 2020

Digər Xəbərlər

18 Yanvar 2017 - 21:25

Trampın vədlərinə əməl etməsindən asılı olmayaraqdollar möhkəmlənəcək

ABŞ-ın yeni seçilmiş prezidenti Donald Tramp ilk mətbuat konfransında çıxışı zamanı vergi islahatlarının keçirilməsinin çətin olduğunu bildirib. 

"Report" xəbər verir ki, bundan sonra ABŞ dolları dünya valyuta bazarında ucuzlaşmağa başlayıb. Həmçinin, D.Trampın fiskal stimullaşdırma ilə bağlı məsələlərə toxunmaması investorların dolların möhkəmlənməsinə investisiya qoymaqdan vaz keçməsinə səbəb olub. 

Xatırladaq ki, investorlar D.Trampın yanvarın 20-də ABŞ prezidentinin inauqurasiya mərasimi zamanı çıxışında vergi islahatları və büdcə stimullaşdırılması ilə bağlı fikirlərinə diqqət edəcək. Əgər Tramp bu mövzulara toxunarsa, o zaman dolların məzənnəsi möhkəmlənəcək və ABŞ fond birjaları artmağa davam edəcək.

Əks halda, Tramp seçkiöncəsi vədlərini yumşaldsa və inauqurasiya zamanı çıxışında iqtisadi qərarlarıla bağlı fikir səsləndirməsə, tarixi maksimum səviyyələrə yaxın olan ABŞ fond birjaları indekslərində sərt azalma, dolların məzənnəsinin isə ucuzlaşması gözlənilir.

Lakin dolların məzənnəsində ucuzlaşma uzunmüddətli olmayacaq. Belə ki, ABŞ Federal Ehtiyat Sisteminin (FRS) uçot faizləri ilə digər inkişaf etmiş ölkələrin Mərkəzi Banklarının faiz dərəcələri arasında fərq dolların məzənnəsinin çox ucuzlaşmasına imkan verməyəcək.

Bundan başqa, ABŞ iqtisadiyyatının müsbət dinamikası fonunda FRS-in 2017-ci ildə uçot dərəcələrini artırmağa davam etməsi və bunun 2-3 iclasda baş tutacağı ehtimalları dolların məzənnəsinin bir qədər sonra yenidən möhkəmlənməsinə gətirib çıxaracaq.