Pakistanın Kurram qəbilələr vilayətindəki Paraçinar şəhərindəki meyvə-tərəvəz bazarında baş verən partlayış nəticəsində həlak olanların sayı 21-ə çatıb.

Həlak olanlar arasında yerli qəbilənin başçısı Sacid Husayn Turi də var. Partlayışda 50-dən artıq adam yaralanıb.

Polisin məlumatına görə, hadisəni kamikadzenin törətməsi variantı təhlil edilir.

Regionda Taliban qruplaşması aktivdir. Bununla belə hələlik heç bir qruplaşma partlayışa görə məsuliyyəti öz üzərinə götürməyib(azərtac).