ABŞ və digər müttəfiq donanmalar İran sahillərinə yaxın beynəlxalq sularda üçgünlük təlimlərə başlayıb. Təlimlərdə aparıcı rol qismində Böyük Britaniya, habelə Fransa və Avstraliya gəmiləri iştirak edirlər.

Strateq.az xəbər verir ki, bu barədə ABŞ hərbi donanmasının press-relizində məlumat verilir. Sənəddə deyilir ki, təlimlərdə məqsəd qarşılıqlı imkanları artırmaq, taktiki biliyi yaxşılaşdırmaq, ticarət və sərbəst gəmiçilk axınının təmin edilməsində əməkdaşlığı gücləndirməkdir.

ABŞ və müttəfiq hərbi gəmiləri təlimlərdə İran döyüş təyyarə, gəmi və sahil raket qurğularının məhvini imtitasiya edəcəklər.

Xatırladaq ki, 2016-cı ildə İran və ABŞ döyüş gəmiləri arasında 35 təhlükəli qarşılaşma olub.

İran donanmasının rəhbəri admiral Həbibullah Səyyari İranın ərazi sularına girəcək gəmilərin hər hansı bir hücumuna qarşılıq veriləcəyi ilə bağlı xəbərdarlıq edib. ABŞ hərbçiləri belə bir niyyətin olmadığını açıqlayıblar.