XƏBƏR LENTİ

24 Noyabr 2020
23 Noyabr 2020

Digər Xəbərlər

06 Fevral 2017 - 19:53

Angela Merkel Almaniya kansleri postuna rəsmən namizəd oldu

merkel

Xristian-Sosial İttifaqı (XSİ) Angela Merkeli rəsmən AFR-in kansleri postuna namizəd irəli sürüb. Bu barədə Almaniyanın “Bild” qəzeti məlumat dərc edib.

Strateq.az xəbər verir ki, beləliklə Xristian-Demokratik İttifaqına (XDİ) başçılıq edən Angela Merkel bundan sonra həm də XSİ-nin bu posta namizədi olacaq.

Agentliyin məlumatına əsasən, bir qədər əvvəl Merkel yenidən Almaniya kansleri vəzifəsini tutmağa hazır olduğunu bildirib. Seçkilərdə qələbə çalacağı təqdirdə bu onun dördüncü kansler müddəti olacaq.

Bu ərəfədə Almaniyanın ictimai rəyi öyrənən İNSA İnstitutu “Bild” qəzetinin sifarişinə əsasən partiyaların populyarlığını öyrənmək məqsədilə sorğu keçirib. Sorğunun nəticələrinə görə, ilk dəfə olaraq Almaniya Sosial-Demokratik Partiyası (ASDP) populyarlıqda XSİ/XDİ koalisiyasını üstələyib. Belə ki, rəyi soruşulanların 31 faizi sosial-demokratlara, 30 faizi isə XSİ/XDİ blokuna səs verməyə hazır olduğunu bildirib. Ötən həftə keçirilmiş analoji rəy sorğusu ilə müqayisədə ASDP reytinqini 4 faiz yaxşılaşdırdığı halda, Angela Merkelin bloku populyarlığını 3 faiz itirib.

Qeyd edək ki, Almaniya Bundestaqına seçkilər 2017-ci ilin sentyabr ayında keçiriləcək. Bundan sonra ölkədə yeni hökumət formalaşacaq və yeni kansler seçiləcək.