XƏBƏR LENTİ

02 Dekabr 2020
01 Dekabr 2020

Digər Xəbərlər

13 Fevral 2017 - 21:15

“Gürcüstanda çox ağır bir cinayətin qarşısı alınıb” –Kaladzedən II İlyaya sui-qəsd cəhdi haqda açıqlama

kaladze_220216

"Gürcüstanda çox ağır bir cinayətin qarşısı alınıb. Düşünürəm ki, bu,  ölkəmizin nüfuzuna ciddi zərbə vuracaq bir cinayət olacaqdı".

Bunu baş nazirin müavini, energetika naziri Kaxa Kaladze deyib.

Patriarxı öldürməyə hazırlıqda ittiham olunan Gürcüstan Patriarxlığının əmlakın idarəedilməsi üzrə xidmətin rəhbəri və müqəddəs Anna və İoakim adına tibb mərkəzinin direktoru Georgi Mamaladzenin həbsi ilə bağlı faktı şərh edərkən K.Kaladze deyib ki, hazırlanmış planın həyata keçirilməsi təkcə kilsəyə və ya pravoslav icmaya deyil, bütövlükdə Gürcüstanın nüfuzuna, ölkədə sülhə və sabitliyə zərbə olardı:

"İstintaqın nəticələrini gözləmək lazımdır. Yaxın günlərdə hər şey tam açıqlanacaq, cinayətin bütün iştirakçıları bəlli olacaq və onlar öz cəzalarını alacaqlar".

Gürcüstanın baş prokuroru İrakli Şotadze bildirib ki, fevralın 2-də ölkə vətəndaşı Gürcüstan Baş Prokurorluğuna müraciət edərək Georgi Mamaladzenin ondan insan həyatı üçün təhlükəli olan sianid maddəsi tapmasını istəyib:

"Bundan sonra prokurorluq faktı araşdırmağa başlayıb. İstintaqın gedişi zamanı müəyyən edilib ki, Georgi Mamaladze həqiqətən həmin şəxsdən qısa müddətdə zəhərli maddəni tapmasını istəyib, qarşılığında ona pul ödəməyə hazır olub. Baş prokurorun sözlərinə görə, G.Mamaladze sianidi əldə etdikdən sonra hazırda patriarxın müalicə aldığı Almaniyaya getməyi planlaşdırıb".

Məlumat üçün bildirək ki, bütün Gürcüstanın katolikos-patriarxı II İlya fevralın 13-də Almaniyada cərrahiyyə əməliyyatı olunub. Əməliyyat uğurlu keçib. Ona mədəaltı vəzinin iltihabı diaqnozu qoyulub. /Azərtac