Rusiya Federasiyasının xarici işlər naziri Sergey Lavrov bildirib ki, ABŞ xüsusi xidmət orqanları ölkəsinin Vaşinqtondakı səfiri Sergey Kislyakı dinləyirlər.

Strateq.az xəbər verir ki, bu barədə "RİA Novosti" məlumat yayıb.

"Bir neçə həftə Trampın milli təhlükəsizlik üzrə məsləhətçisi olmuş general Flinn ətrafında yaranan qalmaqal zamanı Amerika xüsusi xidmət orqanları jurnalistlərə anonim olsa da, tamamilə rəsmi bildirirdilər ki, onların dediyi kimi, bizim səfir Kislyakın kommunikasiyaları dinlənilir. Onun Moskvaya etdiyi məruzələr də daxil olmaqla, Vaşinqtonda öz vəzifələrini yerinə yetirərkən nələr etdiyi və s.", – deyə o, mətbuat konfransında vurğulayıb.