Dünyanın ən böyük dini mərkəzlərindən biri olan Misirin Əl-Əzhar Universitti İŞİD-in tənəzzül prosesi keçirdiyini bəyan edib.

Strateq.az "Al Arabiya"ya istinadla xəbər verir ki, bu bəyanat ötən ilin dekabr ayında Qahirədə kafedral kilsənin partladılması barədə video-çarxa cavab olaraq elan olunub.

Misir müftisi və Əl-Əhzərin rəhbəri Şeyx Əhməd əl-Tayyib bildirib ki, "İŞİD dinlərarası fitndən istifadə edir, lakin onun sonu çatmaq üzrədir".

Sünni-müsəlman dünyanın ən yüksək dini xadimi deyib: "Liviyada, İraqda, Suriyada böyük ərazilərə nəzarəti itirdiyindən və xüsusilə ağır itkilər verdikdən sonra bu qrup faktiki gücünü şişirtmək və gəncləri öz sıralarına cəlb etnmək məqsədi güdür".